بە ڕاپۆرتی ئاژانسی هەواڵی مێهر بە گێڕانەوە لە میزۆپۆتامیا، فیدراسیۆنی توێژینەوەگەلی ئیسلامی مێزۆپۆتامیا لە ئامەد، یەکەمین کۆنگرەی خۆی لە بە دروشمی "لە ئیسلامی دیموکراتیکەوە بەرەو ئاشتی و کۆمەڵگای دیموکراتیک" دەست پێکرد.
لە دەسپێکی کۆنگرەکەدا پەیامی عەبدوڵڵا ئۆجەلان خوێندرایەوە، کە تێیدا سەرۆکی زیندانیکراوی پەکەکە جەختی کردووە کە ئیسلام لە جەوهەری خۆیدا هەڵگری ئازادی، دادپەروەری و یەکسانییە و ئیسلامی فەرمی دەوڵەتی یان ئەو دامودەزگا جەماوەرییانەی سەرمایەداری وەک ئامرازی هێز و تاڵان بەکار دێنن، جەوهەری خۆیان لەدەست داوە.
ئۆجەلان جەختیشی کردووە: لە بری ئەوەی ئیسلام بکرێتە ئامرازی سیاسیی دەوڵەتان و گرووپگەلی جۆراوجۆر، دەبێ بیهێنینە خزمەتی ژیانی کۆمەڵایەتی کە بەپێی ئەو بیچمی گرتووە و ئیسلامی دیموکراتیکی شاری لە بری ئیسلامی سیاسی ئاراستە بکەین کە پشتئەستوورە بە ئازادی ژنان، یەکسانی، پاراستنی ژینگە و هاوڕیزیی خەڵکی.
Your Comment