بە ڕاپۆرتی ئاژانسی هەواڵی مێهر، ناسر ئەبووشەریف نوێنەری بزووتنەوەی جیهادی ئیسلامی فەلەستین لە ئێران سەبارەت بە خوتەبەکانی ڕێبەری ئێران لە نوێژی هەینی نەسردا وتی: لێدوانە گرنگەکانی ئیمام خامنەیی لە هەلومەرجی هەستیار و دژواردا ئاراستە کرا و بەڕیزیان سەبارەت بە ناسینی دوژمن جەختیان لە ئۆمەی ئیسلامی کرد و پڕۆژە و جەنایەتەکانی زایۆنییان لە ناوچەدا شێ کردەوە و لەو سۆنگەوە لێدوانەکانی بەڕیزیان زۆر گرنگ و ستراتژیک بوون.
وتیشی: ڕێبەری ئێران هەمووانی بە تاقەت و درێژەی ڕێگەی بەرخۆدان بانگهێشت کرد و سەرکەوتنی بەرخۆدانیان بە مسۆگەری زانی. هەڵبەت فەرموویان کە تاقەت و پاوەجێی مەرجی ئەم سەرکەوتنەیە. ئێمەش ئەگەرچی لەم ڕێگەدا پارە و منداڵان و باشترین ڕێبەرانمان بەخت کردووە، بەڵام بەوەشەوە بەردەوامین لە درێژەدان بەو ڕێگەیە، چونکە دڵنیاین کۆتایی ئەم ڕێگە دەگاتە هەمان سەرکەوتنی خودایی کە ئیمام خامنەیی بەڵێنییان پێ داوە.