بە پێی ڕاپۆرتی ئاژانسی هەواڵی مێهر، هه‌په‌گه له ڕاگه‌یه‌ندراوێكدا بڵاویكرده‌وه، له دژی هێرشه‌كانی توركیا، كه له مانگی نیسان به‌دواوه ده‌ستیپێكردووه چەکدارەکانیان شەڕیان کردووە و لە ئاکامدا هەشت کەسیان به چه‌كی كیمیایی کوژراون.
هه‌په‌گه باسی له‌وه‌شكردوه، "له هێرشه كیمیاییه‌كانی گۆڕه‌پانی چیاڕه‌شی زاپدا هه‌ریه‌ك له (رۆهات، شه‌ڤین، شه‌ردا، خه‌مگین، زیلان، ده‌نیز، ده‌مهات و سه‌ما) چەکداری ئەوان بوون کە گیانیان لە دەستداوە.
لە 17ی (نیسان/4)ی ئه‌مساڵه‌وه وەزارەتی بەرگری تورکیا ئۆپەراسیۆنی کلیل- چنگی لە خاکی هەرێمی کوردستان لە دژی پەکەکە راگەیاندووە، لەگەڵ ئەو سەرکۆنەکردنانەی لەلایەن حکومەتی عێراقەوە ئاڕاستەی کراوە تا ئێستا ئۆپەراسیۆنەکەی بەردەوامی هەیە.