گواستنەوەی داعشییەکانی تورکیا بۆ ناو عێراق

بە ڕاپۆرتی ئاژانسی هەواڵی مێهر مێدیاکانی تورکیا وردەکاری نوێیان سەبارەت بە گواستنەوەی زیندانیانی داعشی لە سووریاوە بۆ عێراق بڵاو کردەوە و ڕایانگەیاند کە نزیک بە دوو هەزار کەسی چەکداری دەستگیر کراو کە هاووڵاتی تورکیان، لە زیندانەکانی هەسەدەوە بۆ عێراق گواستراونەتەوە.
ڕەوتی گواستنەوەی ئەو زیندانیانە لە چوارچێوەی ڕێککەوتنێکی سێ لایەنەی ئەمنیەتی و دادوەری لە نێوان بەغدا، واشنتۆن و ئەنقەرە ئەنجام دەبێت.
بەغدا بەردەوام داوای لە وڵاتانی جیهان کردووە کە هاووڵاتیەکانی خۆیان کە ئەندامی داعشن، وەربگرنەوە و بەرپرسیارێتی ئەوان لە ئەستۆ بگرن هەتا گوشارە ئەمنی و مافەکان لەسەر عێراق کەم ببێتەوە.