بە ڕاپۆرتی ئاژانسی هەواڵی مێهر، عەلی شەمخانی ڕاوێژکاری سیاسی ڕێبەری ئێران لە گفتوگۆ لەگەڵ کەناڵی ئەلمەیادین جەختی کرد کە شەڕ بەس بە ئاڵوگۆڕی ئاگر و دەنگی تۆپخانە سنووردار نابێتەوە و کۆماری ئیسلامی ئێران ئێستاش لە دۆخی شەڕدایە و ئامادەی هەر جۆرە سیناریۆیەکە.ناوبراو زیادی کرد: ئامادەیی لە چەمکی سەربازیدا بە واتای قبووڵی شەڕە، نەک بردنی وڵات بەرەو شەڕ.
شەمخانی بە ئاماژە بە هەڵوێستەکانی ڕێبەر وتیشی: ڕێبەر لەسەر ئەو ڕاستیە جەختیان کردووە کە ئەوان بەدوای قووت دانی ئێرانن، بەڵام ئەوە بە هەبوونی کۆماری ئیسلامیەوە مومکین نییە.
ناوبراو زیادی کرد: ئەوان هەرگیز ناتوانن ئێران بخۆن، چونکوو ئەزموونی لە ڕابردووی وەرگرتووە و لە دەیەکانی ڕابردوودا هەوڵی جۆراوجۆریان داوە، بەڵام نەگەییشتوونەتە ئامانجەکانیان.
شەمخانی وتیشی: ئێمە ئێستا لە قۆناغی هەڕەشە و شەڕی دەروونین و هەنگاوی دواتر شەڕە؛ هەرچەندە هیوادارین ئەوان لە ئەو بارەوە بیر بکەنەوە و خۆیان ببوێرن لە ئەو بژاردە.
ناوبراو راشیگەیاند: ئەو ژمارەیەک پێشنیاریان بۆ ئێمە ناردووە و ئەگەر ئەو پێشنیارانە بەدوور لە هەڕەشە و لەخۆبایی بوون بێت و بریتی لە مەرجی لۆژیک بێت، هیوایەک هەیە بۆ ڕێگری لە ڕوودانی کارەساتێک.
یەکێک لە مەرجەکانی دانوستان، سنووردار کردنەوەی بە پرسی ئەتۆمیە
شەمخانی وتی: لە پرسی ئەتۆمی، ئەگەر دەستخستنی ڕێککەوتن لە ڕێگا گفتوگۆ و دانوستانەوە هەیە، بە مەرجی ئەوەی کە کەشی هەڕەشە دوور بکرێتەوە.
ناوبراو زیادی کرد: بە دانیشتن لەسەر کورسی دانوستان و خۆبواردن لە مەرج و فەرمانی نالۆهیک، گەییشتن بە ڕێککەوتن مومکینە.
سکرتێری پێشووی ئەنجومەنی باڵای ئاسایشی نەتەوەیی وتی: هۆکارێک بۆ گواستنەوەی ئۆرانیۆمە پیتێندراوەکان نییە و گەڕانەوە بۆ پیتاندنی سەدا 20 مومکینە، کەواتە پێویست بە ئەو هەموو هەوڵە پێچراوە نییە.
ئیسرائیل و ئەمریکا دوو لایەنی لێک جودا نین
ناوبراو وتی: ئیسرائیل و ئەمریکا دوو لایەنی لێک جودا نین و ئەگەر ئەمریکا هێرش بکات، ئیسرائیلیش تێیدا بەشی هەیە و ئێمە ئەبێ بە شێوەی گونجاو وەڵام بدەینەوە و بە دڵنیاییەوە هێرش دەکەینە سەر ئیسرائیل.
هەروەها هۆشداریی دا: هەر جۆرە هێرشێک، هەرچەندە بچووک، دەبێتە قەیرانێکی زۆر گەورە و زیاتر لە ئاستی بیر کردنەوە.
Your Comment