بە ڕاپۆرتی ئاژانسی هەواڵی مێهر، دۆناڵد ترامپ، سەرۆکی ئەمریکا کە ئێستا لە قەتەرە، لە کۆبوونەوەیەکدا کە بەڕێوەبەرانی کۆمپانیا گەورەکانی ئەمریکا، لەوانە لاری کالپ، بەڕێوەبەری جێبەجێکاری کۆمپانیای جی ئێی ئایرۆسپەیس (بەرهەمهێنەری بزوێنەری جێت)، ئامادەی بوون، ستایشی فڕۆکەی بێفڕۆکەوانی دروستکراوی ئێرانی کرد.
لە بەشێک لە کۆبوونەوەکەدا وتی: "بە یەکێک لە کۆمپانیا (ئەمریکییەکان)م وت کە درۆنێ زۆرم دەوێت". ئێران فڕۆکەی بێفڕۆکەوانی باش دروست دەکات و بە ٣٥ بۆ ٤٠ هەزار دۆلار ئەو کارە دەکات.
ترامپ زیادی کرد: ئەو کۆمپانیایە دوای دوو هەفتە هات و فڕۆکەیەکی بێفڕۆکەوانی هێنا کە تێچووی 41 ملیۆن دۆلار بوو. پێم وتن مەبەستم ئەوە نییە، مەبەستم فڕۆکەیەکی بێفڕۆکەوانە کە نرخی ٣٥ بۆ ٤٠ هەزار دۆلارە. زۆر باش و خێرا و کوشندە و ترسناک.
Your Comment