بە ڕاپۆرتی ئاژانسی هەواڵی مێهر، تونجەر بەکرخان سەبارەت بە ئەو دیدارە وتی: ئۆجالان ڕایگەیاندووە کە گۆڕانکاری ئەرێنی کە دەبێتە خێرا بوونەوەی ڕەوتی ئاشتی، چاوەڕوانی هاوبەشی هەموومانە و هیواداری خۆی نیسبەت بە پێشکەوتنەکان لە داهاتوو ڕاگەیاندووە.
ناوبراو بە ئاماژە بە ئەو دیدارە وتی: کۆبوونەوەیەکی بەقازانج، جیدی و کاریگەر بوو و جودا لە لێکدانەوەی دۆخی جەستەیی سێری سورەیا ئوندەر، بە شێوەی گشتی ڕەوتی ئاشطی و دۆخی ئێستا لێک درایەوە.
بە وتەی بەکرخان، ئۆجالان بە ڕۆحیەیەکی بەرز و وزەیەکی زۆر و چالاکەوە خەریکی شوێنگیری کردنی گۆڕانکارییەکانە و پێی وایە کە لە هەفتە و مانگەکانی داهاتوو کرانەوە لە ڕێگای ئاشتی و چارەسەری قەیرانەکان دەبینین.
نوێنەری دەم پارتی لە لێدوانەکەیدا جەختی کرد کە تورکیا لە نێوان قەیرانی نێوخۆیی و ناوچەیی، زیاتر لە هەر کاتێکی دیکە پێویستی بە گەڕانەوە بۆ ڕێگای ئاشتی، دیمۆکراسی و پێکەوەژیان هەیە. هەروەها وتیشی کە ئەوە بەس لە ڕێگای سیاسییەوە بەدی نایێت و پێویستی بە بەستێنی یاسایی قایم، لەسەر بنەمای دادپەروەری ، چاکسازی بنەڕەتی لە یاسا سزادانەکان و ورەیەکی قایم لەلایەن هەموو ئەکتەرە سیاسییەکانەوە هەیە.
Your Comment