بە ڕاپۆرتی ئاژانسی هەواڵی مێهر، سەردار حسێن سەلامی فەرماندەی گشتیی سپای پاسداران لە لێدوانێک بۆ پێرسۆنێلی مووشەکیی هێزی هەوافەزای سپا، وێڕای دەستخۆشی بۆ ڕاپەڕاندنی سەرکەوتووانەی ئۆپەراسیۆنەکانی بەڵێنی ڕاستی 1 و 2، وتی: هەر وەک دەزانن بە هۆی گۆڕانکارییەکانی چەند حەوتەی ڕابردوو لە ناوچەدا، دوژمنی تووشی شاگەشکەیی هاتووە و هەوڵی ئەوە دەدا کە لە کەشی ئۆپەراسیۆنی دەروونی و میدیاییدا وا نیشان بدات کە کە کۆماری ئیسلامی ئێران بە هۆی ئەو گۆڕانکارییانە تووشی لاوازی و دەستەوەستانی هاتووە.
وتیشی: ئێمە کە ئاگاداری چیەتی هێزی ڕاستەقینەی ئەم وڵاتەین، باش دەزانین کە ئەو لێکدانەوەیە ئارەزووی دوژمنە و لە واقیعدا بوونی نییە و دوژمن دەبێ بزانێت کە ئیرادەی سیاسی لە نیزامی ئێمەدا بۆ بەرەنگاربوونوەی هێژمۆنی و زێدەخوازی و دەستدرێژی دوژمنان، ئیرادەیەکی یەکلاکەرە و بێ‌کەمایەسییە.
سەردار سەلامی جەختی لەوەش کرد: ئێمە دەمێک ساڵە ئامادەی شەڕی گەورە و پێکدادانی خەست و بەرەنگاربوونەوەی قورس و تەنانەت درێژخایەن لەگەڵ هێزە بەڕواڵەت گەورەکان لە ئاستی جیهان و دارودەستەی ناوچەییانین.