بە ڕاپۆرتی ئاژانسی هەواڵی مێهر، ئەیووب سۆباشی سەرۆکی پێشووی کۆمەڵەی لێکۆڵین کوردی لە ئەستەنبۆڵ بە تۆمەتی بانگەشە بۆ گرووپێکی تیرۆریستی و ئەندامێتی لە پەکەکەدا، لە لایەن دادگەی ژمارە ٢٤ی ئەستەنبۆڵ بە ٦ ساڵ و ٣ مانگ زیندان سزا درا.
شایانی باسە ئەم حوکمە بەپێی پێوەندییە تەلەفونییەکانی ئەیووب سۆباشی بۆ فێرکاری زمانی کوردی، بابەتە بڵاوکراوەکانی لە تۆڕە کۆمەڵایەتییەکان، چالاکی لە ئەنجومەن و هاوبەشی لە خۆپیشاندان و ناڕەزایەتییەکان دراوەتە پاڵ سەرۆکی پێشووی کۆمەڵەی لێکۆڵین کوردیی ئەستەنبۆڵ.