بە ڕاپۆرتی ئاژانسی هەواڵی مێهر، بزووتنەوەی خۆڕاگری ئیسلامی حەماس پیرۆزبایی و سەرەخۆشی لە شەهید بوونی یەحیا سینوار بەرپرسی نووسینگەی سیاسی ئەم بزووتنەوەیە کردووە.
بزووتنەوەی حەماس ڕایگەیاند: حەماس پیرۆزبایی و سەرەخۆشی لە شەهیدبوونی موجاهید و ڕێبەری مەزن یەحیا سینوار "ئەبوو ئیبراهیم"، بەرپرسی فەرمانگەی سیاسی حەماس و فەرماندەی شەڕی گەردەلولی ئەقسا، دەکات.
حەماس لە بەیاننامەکەیدا ڕایگەیاندووە: شەهید سینوار ژیانی خۆی بۆ فەلەستین تەرخان کرد و دواجار لە ڕێگای خودا و ڕزگارکردنی فەلەستین گیانی خۆی بەخت کرد.
ئەم بزووتنەوەیە جەختی لەوە دەکردەوە کە شەهید یەحیا سینوار بە چەکێکەوە لە بەرەکانی شەڕدا ڕووبەڕووی هێزی داگیرکەر بووەوە و لە هێڵی پێشەوەی شەڕدا بوو و بەرگری لە خاکی دەکرد و بە شانازییەوە شەهید بوو.