بە ڕاپۆرتی ئاژانسی هەواڵی مێهر، مەسعوود پزشکیان لە دیداری نیوەڕۆی ئەوڕۆ هەینی لەگەڵ ڤلادیمیر پووتین سەرۆک کۆماری فیدراسیۆنی ڕووسیا وێڕای پێداگری لە پەرەدان بە هاوکارییە هاوبەشەکانی دوو وڵات، وتی: پێوەندیی ئێمە لەگەڵ ڕووسیا دۆستانە و ستراتژیکە.
سەرۆک کۆماری وێڕای خۆشحاڵی دەربرینی بۆ ڕەخسانی دیداری لەگەڵ هاوتای ڕووس، وتیشی: لەباری ئابووری و فەرهەنگییەوە پێوەندییەکانی ئێمە ڕۆژ بە ڕۆژ تۆکمەتر و بەهێزتر دەبێت و هیوادارم لە میانەی کۆبوونەوەکانی بریکس لە ڕووسیا بەڵگە ستراتژیکی هاوبەشی ئێران و ڕووسیاش یەکلا بکەینەوە.