بە ڕاپۆرتی ئاژانسی هەواڵی مێهر، فەرەیدوون عەبدولمەلەکی ڕایگەیاند: نەشتەرگەری پەیوەندی گورچیلە لە سەر دوو نەخۆش بە سەرپەرەشتیی دوکتۆر سیم‌فرۆش مامۆستای زانکۆی شەهید بەهەشتی و لە مامۆستایانی ناسراوەی پێوەندی گورچیلەی ئێران و تیمی پەیوەندی زانکۆی زانستە پزیشکییەکانی کوردستان، لە لایەن دوکتۆر حامد مەعرووفی سەرووپسپۆڕی پەیوەندی گورچیلە ئەنجام درا.
عەبدولمەلەکی بە ئاماژە بە بوونی ٦٤٤ نەخۆشی دیالیزی لە پارێزگای کوردستان، وتی: بە خۆشحاڵییەوە بەشی پەیوەندی نەخۆشخانەی کەوسەری شاری سنە بە هەوڵی هاوکاران لە جێگرایەتی دەرمان و یارمەتیی وەزارەتی تەندروستی پڕ جیهاز کراوە و هاوکاتی بوونی ١٤٠ تەختی چالاکی بۆ نەخۆشانی دیالیزی، شایەدی یەکەمین پەیوەندی گورچیلە لەو نەخۆشخانەیە بووین.
ناوبراو ڕاشیگەیاند: بێ گومان ئەم نەشتەرگەرییە سەرەتایەکە بۆ پەیوەندەکانی دواتر و کەمکردنەوەی ژان و ئازاری نەخۆشانی دیالیزی لە پارێزگای کوردستان و گەڕانەوەی تێچووی زۆری نەخۆشانی ڕاگواستراوە بۆ پارێزگاکانی تر.