بە پێی ڕاپۆرتی ئاژانسی هەواڵی مێهر، یەکەمین وتەدانی سەرۆک کۆماری ئێران، مەسعوود پزشکیان، لە ڕێگەی میدیای نیشتمانییەوە دەستی پێکرد.
سەرۆک کۆمار لە بەرنامەی تەلەفزیۆنیدا وتی: ئێمە لەسەر بنەمای کۆدەنگی نیشتمانی کابینەکەمان هەڵبژارد.
لە وەڵامی پرسیارێک سەبارەت بە پێکهێنانی کابینەی دەوڵەت لەسەر بنەمای کۆدەنگی نەتەوەیی، سەرۆک کۆمار وتی: ئێمە چوار ئەندامی کابینەمان لە حکومەتەکەی بەڕێز ڕەئیسی هەڵبژارد، هەروەها ژمارەیەک کەسی سەربەخۆ و ڕیفۆرمخوازمان لە حکومەتەکەی بەڕێز ڕۆحانی هەڵبژارد و لەسەر بنەمای ئەوەی وتمان ، ئێمە دەمانەوێت یەکڕیزی و یەکدەنگی نیشتمانیمان هەبێت.
وتیشی: هەوڵی ئێمە ئەوەیە کە هەموو تەقالایەک بدەین بۆ باشترکردنی دۆخی وڵات.
پزشکیان زیادی کرد: لەگەڵ ئەوانەی پێشتر بەرپرسیارێتیان بوو کۆبوونەوەمان کرد و کێشە و گرفتەکانمان لێکدایەوە و لە هەوڵداین بەلەبەرچاو گرتنی یەکمایەتییەکان چارەسەریان بکەین.
لەم ماوەیەدا لەگەڵ ٤٠ وڵات گفتوگۆمان کرد و ڕێککەوتنمان واژۆ کرد
پزشکیان بە ئاماژەدان بە وتووێژ لەگەڵ وڵاتانی دیکە ڕوونی کردەوە: لەم ماوەیەدا لەگەڵ وەزیر و سەرۆک و سەرۆک وەزیرانی ٤٠ وڵات گفتوگۆمان هەبوو و ڕێککەوتنمان واژۆ کرد، بۆیە دەبێ بڵێم کە پێویستە پاکێجێکی بەرفراوان لە ڕێوشوێنەکان پێکبهێنرێت بۆ ئەوەی بتوانین کێشەکانی چارەسەر بکەین.