بە ڕاپۆرتی ئاژانسی هەواڵی مێهر، فەرامەرز ئومیدی ڕایگەیاند لە ئەو ماوەیەدا ئاستی ئاڵوگۆڕی بازرگانی گومڕۆکەکانی کوردستان بە گشتی 2 ملیۆن و 306 هەزار و 234 تۆن بە بڕی نزیک بە 2 ملیار و 613 ملیۆن و 398 هەزار دۆلار بووە کە لە چاو ماوەی هاوشێوەی ساڵی ڕابردوو لە باری کێشەوە 38 لەسەد و لە باری بڕی دۆلارەوە 14 لەسەد گەشەی هەبووە.
ناوبراو وتیشی لە سنوورەکانی پارێزگاوە ئەم دە جۆر کاڵایە هەناردە دەکرێت: تەماتە، تراکتۆری کشتوکاڵی، شووتی، جۆرەکانی ئایس کریم، سێو، مریشک، هێلکە، کتێب، شیری وشک و گرانۆلی پۆلی ئێتیلنی سووک.
هەروەها ڕایشیگەیاند کە ئەو کاڵاگەلە هەناردەی وڵاتانی عێراق، ئەفغانستان، سووریا، تورکیا و ڕووسیا کراوە.
شیاوی ئاماژەیە ئەو بەشی چووەتە عێراق لە ڕێگای هەرێمی کوردستانەوە دەڕوات.