بە ڕاپۆرتی ئاژانسی هەواڵی مێهر، نازم دەباغ نوێنەری هەرێمی کوردستان لە ئێران سەبارەت بە تیرۆری ئیسماعیل هەنیە سەرۆکی نووسینگەی سیاسی حەماس لە تاران، ڕایگەیاند: بە بڕوای من ئامانج لە تیرۆری ئیسماعیل هەنیە لەناوبردنی ئەو کەسە و پێگەکەی بوو، بەڵام بەدڵنیاییەوە کەسێکی دیکە جێگای ئەو دەگرێتەوە.
ناوبراو وتی: هەندێک لایەن هەموو هەوڵی خۆیان دا کە کێشە ناوچەییەکان بەردەوام بێت، چونکوو ناتوانن ئاسایشی ناوچەکە ببینن.
دەباغ ڕایگەیاند: هەندێک لایەن هەوڵیان دا کە لە پرسی تیرۆری ئیسماعیل هەنیە کە لە تاران ڕووی دا، پێی هەرێمی کوردستان بهێننە کایەوە بە ئەو گومانە کە مووشەک یان درۆنە بەکارهێنراوەکە لە خاکی هەرێمی کوردستانەوە هاوێژراوە، ئەمە لە حاڵێکدایە کە ئێمە ماوەیەک لەمەوپێش بینیمان کە نێچیرڤان بارزانی سەرۆکی هەرێم بە گەرموگوڕی لە تاران پێشوازی لێکرا و تاران و هەولێر پێوەندییەکی باشیان هەیە.
نوێنەری هەرێم لە ئێران وتیشی: لە ڕاستیدا هەندێک لایەن بە هێنانە ئارای ئەو بابەتە، هەوڵ دەدەن جارێکی دیکە پێوەندی تاران و هەولێر ئاڵۆز بکەن بەڵام ئەوە هرگیز نایێتە دی چونکوو لە ئێستادا پیوەندی دوولایەنەکە باشتر لە هەر کاتێکی دیکەیە.