بە ڕاپۆرتی ئاژانسی هەواڵی مێهر، بە گێڕانەوەی ئەلمەنار، "سەید حەسەن نەسروڵڵا"، سکرتێری گشتیی حزبوڵڵا لە لوبنان، لە پەیامێکدا بۆ ڕێبەری شۆڕشی ئیسلامی ئێران، ئایەتوڵڵا خامنەیی، سەرەخۆشی خۆی بە بۆنەی شەهیدبوونی "سەید ئیبراهیم ڕەئیسی" و شاندی یاوەری لە کەوتنەخوارەوەی ئەو هەلیکۆپتەرەی هەڵیانگرتبوو دەربڕی.
نەسروڵڵا وتی: لەم پەژارەیەدا هاوخەمتانین، ئێوە سەرکردایەتی ئوممەتی ئیسلامی دەکەن لە شەڕە سەختەکەیدا لە دژی زلهێزە خۆبەزلزانەکان. هەموو دڵنەوایی ئێمە، ستەملێکراو و خەباتکارانی بەرخۆدان و جەنگاوەرەکان، هیوای بوونی ئێوە و سەرکردایەتی ژیرانەتان.
لە خوای گەورە داواکارم تەمەنتان درێژ بکاتەوە، یارمەتیتان بدات بەرگەی ئەم خەمە بگرن و سەبوری کەسوکاری (ئەم شەهیدانە) بدات.
نەسروڵڵا درێژەی بە قسەکانی دا: حسێن ئەمیرعەبدوڵڵاهیان وەزیری دەرەوەی کۆچکردووی ئێران لە هەموو کۆڕە نێودەوڵەتییەکاندا ئاڵای بەرگری لە بەرخۆدانی هەڵگرت.