ئاژانسی هەواڵی مێهر، بە تێپەڕینی چل و پێنج ساڵ لە سەرکەوتنی شۆڕش هەر کورد و کوردستانی بە ئامادەبوون لە بوارە جیاوازەکان، پەڕەی پڕ لە شانازی تۆمار دەکەن.
ئەمڕۆ 11 ی ڕەشەممە هەڵبژاردنی دوازەدەهەمین خولی مەجلیسی شۆرای ئیسللامی و شەشەمین خولی هەڵبژاردنەکانی مەجلیسی خوبرگان بەڕێوە دەچێت و خەڵکیش بەشداری بەشکۆیان تا ئێستا تێدا کردووە.
ئەمڕۆ کوردستانییەکانش بە ئامادەبوون لە سەر سندوقەکانی دەنگدان لە هەمان کاتژمێرە سەرەتاییەکانەوە هاتن تا بە پەنجەمۆری خۆیان جوانرین ئاسەواری مێژووی وڵات تۆمار بکەن.
چالاکی 25 هەزار فەرمانبەری جێبەجێکار و چاوەدێر لە کوردستان
سەرۆکی ئەرکانی هەڵبژاردنەکانی پارێزگای کوردستان بە ئامادەبوون لە سەر سندوقی دەنگدان ڕایگەیاند: 1296 ناوەندی دەنگدان لە سەرتاەری کوردستان بریتی لە 589 ناوەندی شاری و 707 ناوەندی گوندەوار لە کوردستان کراوەتەوە.
ناوبراو زیادی کرد: ژمارەی یەک ملیۆن و 250 هەزار کەس لە پارێزگا دەتوانن دەنگ بدەن کە هەشت هەزاریان کسیان بۆ یەکەم جارە کە دەتوانن دەنگ بدەن.
11 ی ڕەشەممە ڕۆژی چارەنووس سازی ئێران
سەرۆکی شۆرای هاوئاهەنگی بانگەشەی ئیسلامی کوردستان وتی: ئەمڕۆ ڕۆژێکی گرینگ و هەستیار و چارەنووس ساز بۆ وڵاتە و لە بواری جیاوازەوە زۆر گرینگە.
هەروەها وتیشی: بەشداری خەڵک لە هەڵبژاردنەکان دوژمنان و نەیاران بێ هیوا و ناڕەحەت دەکات.
حوجەتولئیسلام سادات درێژەی دا: بەشداری بەربڵاوی خەڵک دەبێتە هۆی پەڕینەوە لە کێشەکان و گەشە و پێشکەوتن.
ناوبراو درێژەی دا: کاتێک وڵات پشتیوانی خەڵکی بەدواوە بێت دوژمن ناوێرێت دەستدرێژی بکاتە سەر وڵات و بەشداری لە دەنگدان ئەرکی شەرعی و یاسایی ئێمەیە.