بە پێی ڕاپۆرتی ئاژانسی هەواڵی مێهر،به‌یانى ئه‌مڕۆ كۆمه‌ڵه‌ى زه‌حمه‌تكێشانى كوردستان ئاشكرایكرد، له‌لایه‌ن كۆمه‌ڵه‌ى شۆڕشگێڕه‌وه به‌دۆشكاو قه‌ناس ته‌قه‌یان لێکراوە.
لە ئاکامی ئەو هێرشەدا دوو هێزیان‌کوژران و چەکدارێکیش بریندار بوو.
سه‌رچاوه‌یه‌كى تایبه‌ت به‌شارپرێسى ڕاگه‌یاند، دواى گرژیه‌كان‌و گه‌یشتنى هێزه ئه‌منیه‌كانى یه‌كێتى به‌سنوره‌كه، ته‌واوى ناوچه‌كه كه‌وتۆته ژێر كۆنترۆڵى هێزه‌كانى یه‌كێتیه‌وه، به‌وته‌ى سه‌رچاوه‌كه، "ده‌توانین بڵێین هێزه‌كانى هه‌ردولاش چه‌ك كراون".
ئه‌و سه‌رچاوه‌یه كه داوایكرد ناوى ئاشكرانه‌كرێت بۆ شارپرێس وتى، "عومه‌ر ئێلخانیزاده خۆى ڕاده‌ستى هێزه‌كانى یه‌كێتى كردوه‌و ماڵه‌كه‌شى به‌ژماره‌یه‌ك كه‌سى بێلایه‌ن له‌كێشه‌كانى نێوان هه‌ردوو كۆمه‌ڵه سپاردوه‌و هێزه‌كه‌ش ئێلخانیزاده‌یان له‌زڕگوێز ده‌ركردوه‌و به‌ره‌و شوێنێكى نادیار بردویانه".