بە پێی راپۆرتی ئاژانسی هەواڵی مێهر، بەیانی ئه‌مرۆ سێشەمە مه‌سرور بارزانى سه‌رۆكى حكومه‌تى هه‌رێمى كوردستان لە سەفەرێکی لەپێش ڕانەگەیێندراودا خۆی گەیاندە تورکیا.
بریارە لەم سەفەرەیدا مەسرور بارزانی دۆسیەی ڕاگیرانی هەناردەی نەوتی هەرێمی کوردستان بۆ بەندەری جەیحان لە لایەن تورکیاوە، قسە لەگەڵ بەرپرسانی ئەو وڵاتە بکات.
دیدار لەگەڵ سه‌رۆك کۆماری تورکیا ئەردۆغان و وه‌زیرى ده‌ره‌وه‌و به‌رپرسانى نوێى حكومه‌ت له توركیا لە بەرنامەی سەفەرەکەی مەسرور بارزانیدایە.
ماوه‌ى سێ مانگه توركیا هه‌نارده‌ى نه‌وتى هه‌رێمى كوردستانى ڕاگرتوه‌و پێشتر حكومه‌تى هه‌رێم و ناوه‌ند چه‌ند جارێك واده‌ى جیاوازیان دیاری كرد بۆ ده‌ستپێكردنه‌وه‌ى هانارده‌ى نه‌وت به‌ڵام تا ئێستا هه‌نارده‌ى نه‌وتى هه‌رێم ده‌ستى پێنه‌كردۆته‌وه.