بە ڕاپۆرتی ئاژانسی هەواڵی مێهر لە سکای نیوز، دوای تەقەکردنەکان لە هێزگەی ناڤۆکی زاپرۆژیا، بەرپرسێکی ئۆکرانیایی نیسبەت بە مەترسیی ڕوودانی کارەسات لە ئەو هێزگەیە هۆشداریی دا و وتی: ئەورووپا لە مەترسیدایە.
میخایلۆ پودولیاک، سەرۆکی نووسینگەی ڤیلادمیر زلنسکی، سەرۆک کۆماری ئۆکرانیا بە بڵاو کردنەوەی ڤیدیۆیەک کە وادیارە لە نزیکی هێزگەی زاپرۆژیا دوای هێرشی هێزەکانی ڕووسیا تۆمار کراوە، نیسبەت بە دۆخی ئەو هێزگە ناڤۆکیە نیگەرانیی دەربڕی.
پودولیاک لە ئەو پێوەندییەدا وتی: زاپرۆژیا لە ژێر ئاگردایە. هەموو ئەورووپا لە مەترسیی دووپات بوونەوەی کارەساتی ناڤۆکیدایە. ڕووسیاییەکان ئەبێ تەقەکردن لە دەڤەری هێزگەی ناڤۆکی زاپرۆژیا ڕابگرن.
پێشتر ئاژانسی نێودەوڵەتی وزەی ناڤۆکی وتبووی ئاگاداری گوللە باران و تەقە کردن لە هێزەکانی زاپرۆژیایە و لەگەڵ بەرپرسانی خۆجەیی لە پێوەندیدایە.