بە ڕاپۆرتی ئاژانسی هەواڵی مێهر، ئێلناز باجەلانی خانمە کێشهەڵگری کوردستانی بە مەبەستی بەشداری لە کێبڕکێیەکانی کێشهەڵگری ژنانی جیهان لەگەڵ هەڵبژاردەی نەتەوەیی ڕۆژی پێنجشەممە، 18 ی سەرماوەز دەچێتە وڵاتی ئۆزبەکستان.
بە گوێرەی ئەم ڕاپۆرتە، کێبڕکێیەکانی کێشهەڵگری پاڵەوانیی گەورەساڵانی جیهان بە میوانداری ئۆزبەکستان لە ڕۆژی یەکشەممە 14 ی سەرماوەزەوە بە شێوەی فەرمی دەست پێدەکات.
هەڵبژاردەی نەتەوەیی کێشهەڵگری ئێرانیش بە مەبەستی بەشداری لە ئەو کێبڕکێیانە ڕۆژی پێنجشەممە 18 ی سەرماوەز دەچێتە ئەو وڵاتە.
بە ڕاگەیاندنی کومیتەی میوانداری و کومیتەی کێبڕکێیەکانی فیدراسیۆنی جیهانی کێشهەڵگری، لە ئەو خولە لە کێبڕکێێەکان بە میوانداری ئۆزبەکستان، بە گشتی 432 کیشهەڵگر بریتی لە 245 پیاو لە 65 وڵاتەوە و 187 خانم لە 56 وڵاتەوە بەشداری دەکەن.
خاتوو ئێلناز باجەلانی کە لە کوردستانەوە لە ئەو کێبڕکێیانە و لە دەستەی 76 کیلۆگرام لە 23 ی سەرماوەز کێبڕکێیەکەی دەست پێدەکات، پێشینەی بەشداری لە کێبڕکێی جیاوازی نێودوڵەتی، ئاسیایی و جیهانیی هەیە.