بە پێی ڕاپۆرتی ئاژانسی هەواڵی مێهر، ئاژانسی هەواڵی باکور (NPA) بڵاویکردەوە، ئەمشەو تۆپخانەکانی سوپای تورکیا گوندی زرگانیان لەباکوری پارێزگای حەسەکە تۆپبارانکردوە و بەهۆیەوە دو کەس گیانیان لە دەستداوە و 11 کەسی دیکەش برینداربوون.
ئاماژە بەوەشکراوە، سەرجەم بریندارەکان بۆ نەخۆشخانەی دەرباسیە، عامودا و حەسەکە گوازراونەتەوە، هەروەها بەهۆی چڕی تۆپبارانەکەی سوپای تورکیا و گروپە چەکدارییەکانی نزیک لەئەنقەرە هاوڵاتیانی گوندەکە نەیانتوانیوە خۆیان رزگاربکەن.
پەیوەست بەم بابەتەش سەرچاوەیەک لە هێزەکانی سوریای دیموکرات رایگەیاند، ئەمشەو تۆپخانەکانی سوپای تورکیا سنوری پێنج گوندیان لەحەسەکە تۆپباران کردوە و زیاتر لە 50 گولـلە هاوەن لەنزیک گوندی زرگان کەوتوەتە خوارەوە، بەوهۆیەش زیانی گیانی و مادی زۆری لێکەوتەوە و کارەبای گوندەکەش بەتەواوی پچڕاوە.