بە پێی هەواڵی مێهر، جوزف بورل بەرپرسی سیاسەتی دەرەوەی یەکیەتی ئەورووپا لە پەیامێکی تویتەریدا کاردانەوەی بە ڕووداوەکانی ئەم دواییانەی ئەفغانستان و کۆنترۆڵی ئەم وڵاتە لە لایەن تاڵەبانەوە نیشان دا.
ئەو داوای کرد ئاسایشی ئەو شارۆمەندانەی ئەفغان کە دەیانەوێ لە ئەفغانستان بڕۆنە دەرەوە، دابین بکرێت و وتیشی: خەڵکی ئەم وڵاتە شایانی ژیانی باشترن.
بەرپرسی سیاسەتی دەرەوەی یەکیەتی ئەورووپا لە حاڵێکدا باسی دابین کردنی ئاسایشی مرۆڤەکان لە ئەفغانستان دەکات کە چوونە دەرەوەی ئەمریکا و هاوپەیمانەکانی لەم وڵاتە بووە هۆی بەزینی کابول و سەرکەوتنی تاڵەبان.