بە پێی هەواڵی مێهر، پارتی دیموکراتیکی گەل بە دەرکردنی بڵاوکراوەیەک وێڕای بەرزڕاگرتنی مانگی موحەڕەم، حکوومەتی تورکیای وەکوو یەزیدی سەردەم ناو برد و ئیمام حسێنی وەکوو کەسێک ناساند کە لە بەرانبەری ستەمدا تەسلیم نابێت.
لەم بڵاوکراوەدا کە لە ماڵپەڕی فەرمی هەدەپەوە بڵاو کراوەتەوە، نووسراوە: بۆ عەلەوییەکان نە کەربەلا کۆتایی هاتووە و نە یەزیدییەکان. ئەوان هەم لە کاتی دەسەڵاتداری عوسمانی و هەم لە کاتی کۆمارییەتدا لە لایەن دەسەڵاتدارانەوە چەوسێندراون و بوونەتە قوربانی. ئایدۆلۆژی یەزید ئێستا نەک هەر دژی عەلەوییەکان بەڵکوو دژی هەموو ئەو کەسانەیە دەیانەوێ بە شۆناسی خۆیانەوە بە ئازادی بژین.