بە پێی هەواڵی مێهر، ئەفشین خۆشگوار ئەم هەواڵەی ڕاگەیاند و وتی: لەم ڕیکابەرییانە کە بە میوانداری ئەلبورز بەڕێوە چوو، یانەی کوردستان پلەی دووهەمی بە دەست هێنا.
ناوبراو بە ئاماژە بەوەی کە کێبەرکێیە وەرزشییەکانی قوتابیانی وڵات ئەمساڵ بە هۆی کۆرۆنا بە شێوەی مەجازی بەڕێوە دەچێت، وتی: بەم شێوە هەموو یانەکان ویدیۆکانی خۆیان بۆ فێدراسیۆن دەنێرن و کار و ڕەوتی هەموو یانەکان لە لایەن داوەرانەوە لێک ئەدرێتەوە و یانەی سەرتر هەڵدەبژێرن.
خۆشگوار وتیشی: تا ئێستا دوو کێبەرکێ فووتساڵ و یاری گورێس بەڕێوە چووە کە کوردستان لە فووتساڵ پلەی دووهەمی بە دەست هێنا و ڕاهێنەریی یانەکە لە ئەستۆی ئیرەج ڕەنجگەر و شاهۆ کەریمی بووە و سەید موحسین حسێنی، سیروان شەرێعەتی، سارۆ زەندی، محەمەد جەعفەری خرۆسە، میلاد شەریفی و سارۆ کەریمی یاریزانانی یانەکە بوون.