بە پێی ڕاپۆرتی ئاژانسی هەواڵی مێهر، پزشکیان ڕایگەیاند: ئێمە هەوڵی پاراستنی ئێرانی خۆمان دەدەین؛ نابێت ڕێگە بەو کەسانە بدەین کە لە شوێنێکی تر دانیشتوون و لە ڕاستیدا دەیانەوێت ئێران لەیەکتر جیا بکەنەوە، گەنجەکانمان بخەنە سەر ڕێگایەک کە داهاتووی ئەم وڵاتە و کولتوور و مێژووەکەی لەناو ببات و تەسلیمی ئەو چەوسێنەر و ستەمکارانە بن کە بەدوایدا دەگەڕێن.
سەرۆک کۆمار بە ئاماژەدان بە کتێبی “جەنگی بێکۆتا” وتی: ئەمریکا دەیەوێت دەست بە سەر سەرچاوە و یەدەگی وڵاتاندا بگرێت، چونکە پێویستی پێیانە و ناتوانێت دەستبەردارییان بێت؛ هەروەها ئەو کەس و وڵاتانەی کە گەنجانیان ڕۆشنگەر و ئاگادار کردووەتەوە، ئامادە نین بە خۆڕایی دەستبەرداری سەرچاوەکان بن؛ ئەنجامی ئەم پرسە شەڕێکی بێکۆتایە.
سەرۆک کۆمار ئەو پرسەی وروژاند کە ئایا بەڕاستی ئەمریکا گرنگی بە دیموکراسی ئێران دەدات بۆ ئەوەی ئەم کارە بکات؟ ئایا گرنگی بە ڤەنزوێلا دەدات؟ لە درێژەی قسەکانیدا وتی: ئەمریکا بە ئاشکرا و بێ ترس دەڵێت نەوت و کانەکانی لەوێ دەوێت.
ناوبراو وەبیری هێنایەوە: "ئێمە نامانەوێت شەڕ بکەین. هەر لەو ڕۆژەوە کە هاتووم، باوەڕم وابوو کە پێویستە دەستبەرداری شەڕ بین، بەڵام ئەگەر بیانەوێت هێز بەکاربهێنن و زەلیلمان بکەن، نابێ قبووڵی بکەین. ئایا بە هەر نرخێک بێت کڕنۆش ببەین؟ ئێران و کولتوورەکەی بە هەر نرخێک بێت، کڕنۆش بردن نییە.
Your Comment