بە ڕاپۆرتی ئاژانسی هەواڵی مێهر، بە گێڕانەوە لە دەزگای داد، حوکمی سەرەتایی دۆسیەی دوو تاوانباری هاووڵاتی فەڕەنسی کە لە 18ی ڕەشەممەی 1401 دەستگیر کرابوون، لە لایەن دادوەری دۆسیەکان دەرکرا و بە پارێزەرانیان ڕاگەیێندرا.
بەپێی ئەو حوكمە کە پاش دەرکرانی سکاڵای 715 لاپەڕەیی و 7 دانیشتنی دادگە بە ئامادەبوونی دادستێن، تاوانباران، پارێزەران و وەرگێڕانی فەرمیی دادگە دەرکرا، هەر دوو تاوانبارەکە هاووڵاتیی فەڕەنسا و فەرمانبەری دەزگای هەواڵگریی فەڕەنسا و خەریکی ئەنجامدانی تاوانی سیخۆڕی بوونە، کە هەر لە سەرەتای دەستگیرییان لە تاوانەکەیان ئاگادار کرانەوە و پارێزەریان بۆ دیاری کرا و ئیزنی پەیوەندی لەگەڵ خیزانەکانیان بۆ ڕەخسا.
بەپێی حوکمی دادگەی سەرەتایی، یەک لە تاوانباران، 6 ساڵ زیندان بۆ تاوانی سیخۆڕی بۆ دەزگای هەواڵگریی فەڕەنسا، 5 ساڵ زیندان بە تاوانی ئاژاوەنانەوە و پیلان بۆ ئەنجامی تاوان لە دژی ئاسایشی ئێران و 20 ساڵ زیندان لە تاراوەی بە تاوانی هاوکاری هەواڵگرانە لەگەڵ ڕژیمی زایۆنی لە حوکمی موحاربەی پێدرا.
تاوانباری دووەمیش 10 ساڵ زیندان بۆ تاوانی سیخۆڕی بۆ دەزگای هەواڵگریی فەڕەنسا، 5 ساڵ زیندان بە تاوانی ئاژاوەنانەوە و پیلان بۆ ئەنجامی تاوان لە دژی ئاسایشی ئێران و 17 ساڵ زیندان لە تاراوەی بە تاوانی هاوکاری هەواڵگرانە لەگەڵ ڕژیمی زایۆنی لە حوکمی موحاربەی پێدرا.
Your Comment