ئێران بە هەموو هێز و تواناوە پشتیوانی لە سووریا دەکات

بە پێی ڕاپۆرتی ئاژانسی هەواڵی مێهر،
سەید عەباس عێراقچی ڕایگەیاند: پەیامی یەکەم پەیامی پشتیوانی لە حکومەت و گەلی سووریایە لە شەڕی خۆیان لە دژی تاقمە تیرۆریستییەکان کە بێ گومان بە پیلانێکی ئەمریکی- زایۆنیستی ئەنجام دراوە.

پەیامی دووەم ئەوە بوو کە هەڕەشەکان تەنیا لە سووریادا سنووردار نابن و هەڕەشەکە بۆ هەموو ناوچەکەیە و بۆ وڵاتانی دیکەی وەک ئوردن و تورکیاش بڵاودەبێتەوە.

پێویستە هەر لە سەرەتاوە بەرەنگاربوونەوەی تیرۆر بکرێت، ئەگەرنا بۆ ناوچەکانی دەوروبەری بڵاودەبێتەوە.

ئەگەر بمانەوێت ئاسایشی خۆمان بپارێزین، پێویستە ئاسایشی دراوسێکانمان لە بەرامبەر دیاردەی تیرۆر بپارێزین.

لە بەرەنگاربوونەوەی تیرۆردا نابێت جیاکاری بکرێت.

تەحریر شام و بەرەی نوسرە لە لیستی ئەو گرووپە تیرۆریستییانەن کە نەتەوە یەکگرتووەکان دانیان پێدانراوە.

ئەو وڵاتانەی کە بێدەنگن یان پشتیوانی لەم کردەوە تیرۆریستییانە دەکەن، دەبێ لێپرسینەوەیان لەگەڵدا بکرێت.

هەرکەسێک ڕۆڵی ڕژێمی زایۆنیستی لە قەیرانی سووریادا پشتگوێ بخات، هەڵەیە.
ئێمە بۆچوونێکی هاوبەشمان هەیە لەسەر پرسی سووریا. کۆبوونەوەی سێ قۆڵی نێوان ئێران، عێراق و سووریا ئەمڕۆ بەڕێوەچوو و سێ پەیامی گرنگی تێدابوو.

کۆماری ئیسلامی ئێران هەمیشە پشتیوانی لە سووریا کردووە و بەردەوامیش دەبێت و ئێمەش ڕایدەگەیەنین کە بە هەموو توانامانەوە ئەم کارە دەکرێت.