ماڵئاوا سەرۆک کۆماری شەهید/ تەرمی ئایەتوڵڵا ڕەئیسی لە مەزارگەی ئیمام ڕەزا بەخاک سپێردرا

بە پێی ڕاپۆرتی ئاژانسی هەواڵی مێهر، لە هەواڵی بەڕێکرانی تەرمی شەهید ڕەئیسدا ئاماژە درا کە چ قەڕەباڵغییەک بوو لە مەشهەد.

محەممەد ڕەزا قەلەندەر شەریف ڕایگەیاند: بەپێی خەمڵاندنە سەرەتاییەکان لە مەشهەد ٣ ملیۆن تازیەبار بەشدار بوون لە بەڕێکران و ناشتنی سەرۆک کۆماری شەهید .

سەرۆکی شارەوانی مەشهەد دەشڵێت: بەهۆی قەرەباڵغی، جوڵەی ئۆتۆمبێلی هەڵگری تەرمی شەهیدان خاوە و ڕێگە نییە ڕێ بکەن.

هەر ئێستا بە ئامادەبوونی بنەماڵەی شەهید، لە میانەی شین و ماتەمی خەڵکی ئێران و بەرپریاندا، تەرمی سەرۆک کۆمار ڕەئیسی لە ناو مەزارگەی ئیمام ڕەزا بە خاک سپێردرا.

دوای بەڕێکرانێکی شایستە لە تەورێز، تاران، قوم، بیرجەند و مەشهەد، سەرکۆماری شەهید بۆ دواجار لە مەزاری ئیمام ڕەزا (درودی خوای لەسەر بێت) ئەم ئێوارەیە زیارەت بۆ کرا و بۆ هەتا هەتایە لە دارولئیسلام نێژرا.