بە ڕاپۆرتی ئاژانسی هەواڵی مێهر لە ئەلعالەم، مەهدی ئەلسەمیدعی موفتی ئەهلی سوننەی عێراق ڕۆژی هەینی لەگەڵ سەردار ئیسماعلی قائانی فەرماندەی سوپای قودسی سوپای پاسدارانی شۆڕشی ئیسلامی ئێران دیدار و گفتوگۆی کرد.
بە گوێرەی ئەم ڕاپۆرتە، دیداری سەردار قائانی فەرماندەی سوپای قودس لەگەڵ موفتی ئەهلی سوننەی عێراق لە دارولئەفتاء هەڵکەوتوو لە ناوەندی بەغدا و بە ئامادەبوونی محەمەد کازم ئالی سادق باڵوێزی ئێران لە عێراق ئەنجام درا.
شیاوی باسە کە سەردار قائانی لە گەشتێکی ڕانەگەیێندراودا گەییشتە بەغدا و لەگەڵ عەبدوللەتیف جەمال ڕەشید سەرۆک کۆمار و محەمەد شیاع سوودانی سەرۆک وەزیرانی عێراق و هەروەها ڕێبەرانی چوارچێوەی هاوئاهەنگی شیعە دیداری کردووە.
Your Comment