بە پێی ڕاپۆرتی ئاژانسی هەواڵی مێهر، سەردار فەرەج ڕۆستەمی ڕۆژی سێشەممە ڕایگەیاند: "شەوی ڕابردوو دوو پاسەوانی سنووری فەوجی سنوورەوانیی بانە لە کاتی چاودێری و پاسەوانیکردن، بەهۆی تەقینەوەی ئەو مینانەی کە لە سەردەمی شەڕی ئێران و عێراق بەجێمابوو، و بەهۆی بارانبارینی بەخوڕی ڕۆژانی ڕابردوودا، خزابووە ناو ڕێگاکان، گیانیان لەدەستدا".
ناوبراو زیادی کرد: بەداخەوە لەم ڕووداوەدا محەممەد ڕەزا سێداقەتپوور و عەلی کەریمی شەهید بوون.