بەگوێرەی ڕاپۆرتی ئاژانسی هەواڵی مێهر، حسێن کەڕووبی هەواڵەکەی ڕاگەیاند و وتی: "لە ئەمڕۆوە و بە پێی فەرمانی سەرۆکی دەسەڵاتی دادوەری، گۆشەگیری باوکم هەڵدەگیرێت".
وتیشی: "بێگومان بەهۆی کێشە ئەمنییەکانەوە تا 20ی خاکەلێوە ئەفسەرەکان لە شوێنی نیشتەجێبوونی باوکم ئامادە دەبن، دواتر لە ماڵەکەی دێنە دەرەوە و هیچ سنووردارکردنێک بە باوکم نەگەیەندراوە دوای هەڵگرتنی گۆشەگیریەکەی."
مەهدی کەڕووبی دوای ڕووداوەکانی دوای هەڵبژاردنەکانی ساڵی ٢٠٠٩ی ئێران گۆشەگیر کرا لەبەر ئەوەی دەستی بووە لە ئاژاوەکانی دوای هەڵبژاردنی سەرۆک کۆماریدا.