بە پێی ڕاپۆرتی ئاژانسی هەواڵی مێهر، ئەبوو عومەر ئیدلیبی، فەرماندەی لیوای باکووری هێزەکانی سووریای دیموکرات – هەسەدە رایگەیاند، لەگەڵ ئەنجومەنی سووریای دیموکرات کۆبوونەتەوە و گەیشتنە رێککەوتنی گرنگ لە تووندوتۆڵکردنی هاوکاری و سەقامگیرکردنی سووریا لەگەڵ حکومەتی دیمەشق.
ئاماژەی بەوەشکرد، لە کۆبوونەوەکەدا جەختکراوەتەوە لە دوورخستنەوەی سەرجەم ئەو چەکدارانەی کە سووری نین لەنێو هێزەکانی سووریای دیموکرات و ناوچەی باکوور و رۆژهەڵاتی سووریا، وەک هەنگاوێک بۆ پاراستنی سەروەریی نیشتمانی و سەقامگیریی سووریا.
ئەوەشی خستە روو، رێککەوتوون لەسەر چڕکردنەوەی کۆبوونەوەکان و بەهێزکردنی پەیوەندییەکانیان لەگەڵ حکومەتی سووریا بۆ پتەوکردنی هاوکارییەکان لە دۆسیە نیشتمانییەکاندا کراوە.