بە ڕاپۆرتی ئاژانسی هەواڵی مێهر، ئایەتوڵڵا خامنەیی ڕێبەری ئێران لە سەردانی پێشانگای توانایی و دەستکەوتەکانی کەرتی تایبەت لە بەشەکانی پێوەندی و تەکنۆلۆژیای زانیاری، جیهازاتی چێ کردنی مانگیلەیی، ژیری دەستکرد، چێ کردن و ئامێری چێ کردنەوەی فڕۆکە، پیشەی کانگایی و زەویناسی، پیشەی نەوت و گاز و پێترۆکیمیا، پیشەی پۆڵا و ئالومینیۆم، کەلوپەلی نێوماڵ، پیشەی دەریایی، پیشەی فەرش، پیشەی ئاو و کارەبا، پیشەی ڕستن و چنینی قوماش، جیهازاتی پزیشکی و نەخۆشخانەیی و وەبەرهێنانی دەرمان، توێژینگەی ڕۆیان، وەبەرهێنانی کشتوکاڵی و ئاەژەڵداری و پیشەی دەستی و گەشتیاری پێشکەش کرابوو.
لە ئەو سەردانەدا کۆمپانیای جیاواز لە کەرتی تایبەت نیگەرانییەکانی خۆیانیان سەبارەت بە کێشە و لەمپەرەکانی سەر ڕێگای کەرتی تایبەت لەگەڵ ڕێبەر هێنایە بەر باس و ڕێبەریش وەزیرانی ئامادەبوو لە ئەو پێشانگایەی خستە بەردەنگەوە و جەختیان کرد: ئەبێ دەوڵەت و بەرپرسان کارێک بکەن کە سکاڵاکانی کەرتی تایبەت چارەسەر بکرێت چونکوو پێشکەوتنی وڵات لە گرەوی ڕێگەدان بە کەرتی تایبەتە و تەنیا ڕێگای بەرەوپێش بردنی وڵات کەڵکوەرگرتن لە دەفرایەتی و تواناییەکانی کەرتی تایبەتە.
ڕێبەری ئێران هەروەها لە بەشی پیشەی ئاو و کارەبا دوای شرۆڤەکانی وەزیری وزە سەبارەت بە چارەسەری کێشەکان لە بەشی کارەبا وتیان: ئەو قسانە ڕاستن بەڵام ئەبێ بگەنە قۆناغی کردەوە چونکوو پرسی کێشە و ڕێگاچارەکانیان لە ساڵانی دوایی بەردەوام لە ئارادا بووە بەڵام هێشتا نەگەییشتووەتە خاڵی گونجاو.
Publish Date: ٢١ کانوونی دووەم ٢٠٢٥ - ١٤:٠٧
ئایەتوڵڵا خامنەیی لە سەردانی پێشانگای پێشەنگەکانی پێشکەوتن وتیان: پێشکەوتنی وڵات لە گرەوی ڕێگەدان بە کەرتی تایبەتە و تەنیا ڕێگای پێشکەوتنی وڵات کەڵکوەرگرتن لە دەفرایەتی و تواناییەکانی کەرتی تایبەتە.