بە پێی ڕاپۆرتی ئاژانسی هەواڵی مێهر، ڕۆژنامەی عیبری ئیسڕائیل حەیۆم ڕاپۆرتی دا کە ڕژێمی زایۆنی ناوچەی نوێی لە ناوچەی پارێزراو لە بەرزاییەکانی گوڵانی سووریا و شارەکانی بەعس و حەزەر لە پارێزگای قەنیتەرەی داگیر کردووە.
لەم ڕاپۆرتەدا هاتووە کە داگیرکردنی ناوچەی پارێزراو لە بەرزاییەکانی گوڵانی سووریا شەوی ڕابردوو لە کۆبوونەوەی کابینەی جەنگی ڕژێمی زایۆنیستی یەکلایی کراوەتەوە.
دوێنێ کۆمکاری عەرەبی بە بڵاو کردنەوەی بەیاننامەیەک، دەستدرێژی ڕژێمی زایۆنی بۆ سەر سووریای بە خراپ بەکارهێنانی بارودۆخی ناوخۆی ئەو وڵاتە و داگیرکردنی زەوی و زاری زیاتر لە بەرزاییەکانی گوڵانی سووریا و پێشێلکردنی ڕێککەوتننامەی ساڵی ١٩٧٤ی وەسف و شەرمەزار کرد.
ئەمە لە کاتێکدایە کە تیرۆریستییەکان لە سووریا لە بەرامبەر ئەم دەستدرێژییەی ڕژێمی زایۆنی بێدەنگ بوون.