بە پێی ڕاپۆرتی ئاژانسی هەواڵی مێهر، سه‌رۆكایه‌تی روسیا بڵاویكرده‌وه، له‌ئێستادا به‌شار ئه‌سه‌د سه‌رۆكی هه‌ڵاتوی سووریا و ئه‌ندامانی خێزانه‌كه‌ی گه‌یشتونه‌ته مۆسكۆی پایته‌خت.
ئه‌وه‌شی خسته‌ڕو، روسیا به‌هۆكاری مرۆیی، مافی په‌نابه‌رێتی به‌خشیوه‌ته به‌شار ئه‌سه‌د و ته‌واوی ئه‌ندامانی خێزانه‌كه‌ی.
سه‌رچاوه‌كه‌ی كرێملن ئاشكراشیكردوه، رووسیا هەمیشە پاڵپشتی گەڕان بەدوای چارەسەرێکی سیاسی بۆ سووریا دەکات، به‌جۆرێك پشتیوانی گەڕانەوەیه بۆ چارەسەری سیاسی بۆ قەیرانی سووریا، ئێستاش جه‌ختده‌كه‌ینه‌وه له‌سه‌ر لە پێویستی دەستپێکردنەوەی دانوستانەکان بە سەرپەرشتی نەتەوە یەکگرتوەکانەوە.