بە ڕاپۆرتی ئاژانسی هەواڵی مێهر لە ئەلمەعلوومە، سادق عەبدوڵڵا یەکێک لە ڕێبەرانی هاوپەیمانی فەتح جەختی کرد کە هەزاران تیرۆریستی هاووڵاتی وڵاتانی جیاواز لە زیندانەکانی سووریا هەڵاتوون.
ناوبراو زیادی کرد: ئەو ئۆپراسیۆنە دوای هێرشی تیرۆریستەکان بۆ زیندانەکان ئەنجام درا. ئەو گۆڕانکاریانە بە شێوەی ڕاستەوخۆ ئاسایشی وڵاتانی ناوچەکە بەتایبەتی عێراق دەخاتە مەترسییەوە.
عەبدوڵڵا وتیشی: تیرۆریزم شتێک جگە لە کارتی گوشاری وڵاتانی ڕۆژاوایی بۆ هاتنە دی بەرژەونەدییەکانی خۆیان لە ناوچەکە نییە. هیچ ڕووداوێک لە سێبەری خەرج کردنی پارە و گەیاندنی چەک بە دەستی تیرۆریستەکان دوور لە چاوەڕوانی نییە.
ناوبراو وتی: گۆڕانکارییەکانی سووریا لە چوارچێوەی پیلانێکی نێودەوڵەتی بۆ دابەش کردنی ئەو وڵاتە و لاواز کردنەوەی ناوەندە فەرمییەکانیان و دروست کردنی ئاژاوەی ڕەگەزی و عەشیرەییە.