بە ڕاپۆرتی ئاژانسی هەواڵی مێهر بە گێڕانەوە لە "فلسطین الیوم"، وەزارەتی پەروەردەی فەلەستین ڕایگەیاند لە دەسپێکی شەڕی دژی غەزە لە ٧ی ئاکتەوبری 2023 تا ئێستا 11923 قوتابی لە هێرشی زایۆنییەکاندا شەهید بوون.
ئەو وەزارەتخانەیە بە ئاماژە بە برینداربوونی 19199 قوتابی تر لەو هیرشانەدا، ڕاشیگەیاند کە ١١٨٠٨ قوتابی لە هێرش بۆ سەر کەرتی غەزە شەهید بوون و ١١٥ قوتابیش لە هێرش بۆ سەر کەرتی ڕۆژئاوایی.
وەزارەتی پەروەردەی فەلەستین وێڕای بیرهێنانەوەی بۆردوومانی 341 قوتابخانە و زانکۆ لەو ماوەیەدا، وتی: 561 مامۆستا و کارمەندی پەروەردە لە هێرشی زایۆنییەکاندا شەهید بوون و 3729 کەسیش بریندار بوونە و 148 مامۆستاش دەستگیر کراون.