بە ڕاپۆرتی ئاژانسی هەواڵی مێهر، ئەبوو عوبەیدە وتەبێژی کەتیبەکانی قەسام، لقی سەربازیی گرووپی بەرخۆدانی ئیسلامی فەلەستین(حەماس) بە بڵاوکردنەوەی بەیاننامەیەک سەرەخۆشی خۆی بۆ شەهیدبوونی سەیدحەسەن نەسروڵڵا ڕاگەیاند.
ئەبوو عوبەیدە وتی: بەڕێز سەید حەسەن نەسروڵڵا تەڤڵی ئەو شەهیدە مەزنانە بوو کە نزیکەی ٣٠ ساڵە لە پێناوی پاڵپشتی لە فەلەستین، غەزە و خەڵکی چەوساوەی فەلەستین خەباتیان کردووە و گیانیان لە سەر دەستیان داناوە.
هاوکات بزووتنەوەی بەرخۆدانی ئیسلامی فەلەستین (حەماس) بەدەرکردنی بەیاننامەیەکی جیاواز وێڕای ڕاگەیاندنی سەرەخۆشیی بۆ شەهیدبوونی ئەمیندار گشتیی حزبوڵڵای لوبنان، ڕایگەیاند: ئەم بزووتنەوەیە، هێرشی دڕندانەی زایۆنییەکان بۆ سەر بیناگەلی نیشتەجێی لە زاحیەی باشووری بەیرتووت بە توندی ئیدانە دەکا و بە هەڵمەتی تیرۆریستیی دەزانێت.
لە لایەکی ترەوە موقتەدا سەدر سەرۆکی ڕەوتی سەدری عێراق بە دەرکردنی بەیاننامەیەک هاوخەمی خۆی بۆ شەهیدبوونی سەید حەسەن نەسروڵڵا دەربڕی و جەختی کرد: حەسەن نەسروڵڵا سەرفەرازانە ژیا و سەرفەرازانە شەهید بوو.
سەید حەسەن خومەینی‌ش لە پەیامێکدا وێڕای دەربڕینی سەرەخۆشیی وتی: ڕێگەی نەسروڵڵا درێژەی هەیە، هەر وەک چۆن ڕێگەی سەید عەباس مووسەوی و تەواو فەرماندەکانی بەرخۆدان درێژەی بووە.
هەروەها لە بەیاننامەیەکدا سەرۆکی بزووتنەوەی حیکمەی نەتەوەیی عێراق سەرەخۆشی خۆی بۆ شەهیدبوونی ئەمینداری گشتی حزبوڵای لوبنان دەربڕی.
حەکیم جەختی لەوە کردەوە: ڕێگای خۆڕاگری تا گەیشتن بە سەرکەوتن بەردەوام دەبێت.
بزووتنەوەی جیهادی ئیسلامی فەلەستینیش، سەرەخۆشی لە شەهیدبوونی سەید حەسەن نەسروڵڵا، ئەمینداری گشتیی حیزبوڵڵای لوبنان کرد. بزووتنەوەی جیهادی ئیسلامی فەلەستین زیادی کرد: بە تەواوی دڵنیاین کە شەهید بوونی سەید حەسەن نەسروڵڵا هێز و ورە و ئیرادەی بەرخۆدانی لوبنان و فەلەستین و ناوچەکە زیاد دەکات.