بە ڕاپۆرتی ئاژانسی هەواڵی مێهر، دوای ئۆپراسیۆنە تیرۆریستییەکەی ئیسرائیل لە لوبنان، بەرخۆدانی ئیسلامی عێڕاق لە هاودڵی خۆی لەگەڵ حزبوڵڵای لوبنان هەواڵی دا.
بزووتنەوە نوجەباش لە بەیاننامەیەکدا ڕایگەیاند: هەموو لایەک دڵنیا دەکەینەوە کە ئەو هێرشە تیرۆریستیە، هیچ کاریگەرییەک جگە لە سەقامگیری، سەربڵندی و سەرکەوتنی بەرخۆدان نییە.
حسێن عەلی نوور مووسەوی وتەبێژی فەرمی بزووتنەوەی نوجەبا لە گفتوگۆ لەگەڵ مێهر ڕایگەیاند: بێ گومان ئەو ڕووداوەی دواییە بە هەموو جیهانی نیشانی دا کە ئیسرائیل و ئەمریکا لە پشت هەموو ئاژاوە و ناسەقامگیرییەکانی ناوچەکەدان.
ناوبراو درێژەی دا: ئەمڕۆ ئیسرائیل بەدوای هەوڵ بۆ پاساودانی شکست و لاوازی خۆیەتی کە لە یەک ساڵی ڕابردوو لەلایەن بەرخۆدانەوە خواردوویەتی.
ناوبراو وتیشی کە ئەو جەنایەتە لە دژی خەڵکی لوبنان یەکێک لە جەنایەتە ڕۆژانەکانی هێزەکانی ئیسرائیل و ئەمریکا لە دژی فەلەستینە کە هەموو جیهان لە بەرانبەریدا سڕ بوون.
مووسەوی بە وتنی ئەوەی کە وەڵامی حزبوڵڵا بە ئەو جەنایەتە یەکلاییە، وتی: لە حاڵێکدا کە ئێمە بەرەی بەرخۆدانی عێڕاق لە پاڵ خەڵک و دەوڵەتی لوبنانین، پێمان وایە کە وەڵامی بەرخۆدان بە ئەو جەنایەتە هەر دەدرێتەوە و کاتێکی زۆر ناخایێنێت، حزبوڵڵا توانایی ، دەسەڵات و بژاردەی زۆری بۆ وەڵامدانەوە لە کات و شوێنی گونجاو هەیە و پێکدادانەکان شێوەیەکی نوێ دەگرنە خۆ کە ئەوە بەشێک لە وەڵامەکەیە.