بەڕاپۆرتی ئاژانسی هەواڵی مێهر، ئەبوو ئالاء وەلائی ئەمینداری گشتیی کەتیبەکانی سەیدولشوهەدای عێراق لە لێدوانێک بۆ کەناڵی "المسیره"، جەختی لەوە کرد کە بە ئیزنی خودا ئامانجەکانی هێڕشی گەردەلوولی ئەقسا و لەوان هەڵوەشانەوەی گەمارۆکانی کەرتی غەزە و ئازادکرانی یەخسیرانی فەلەستینی بەزوویی وەدی دێن.
وتیشی: ٧ی ئاکتەوبر لاپەڕەیەکی نوێ لە پەرتووکی شەڕی دژی داگیرکەر هەڵدرایەوە.
وەلائی لە درێژەدا ئاماژەی بە سێ قۆناغ لە ئۆپەراسیۆنەکانی بەرخۆدانی ئیسلامی عێراق بۆ پاڵپشتی لە هێزەکانی فەلەستینی کرد و ڕایگەیاند: قۆناغێ یەکەم بە کردنە ئامانجی پێگەگەلی ئەمریکی لە هەولێر و حەریر لە ناو خاکی عێراق دەستی پێکرد و دەسکەوتی باشی بوو. قۆناغی دووەم کردنە ئامانجی بنکەکانی زایۆنی لە سەرزەوینە داگیرکراوەکان و لەوان وێستگەکانی کارەبا و بەندەرکانی ئەسدوود و حەیفا لەخۆ دەگرێت و قۆناغی سێهەمیش بریتی دەبێت لە ئۆپەراسیۆنێکی هاوبەش لەگەڵ پاڵەوانانی یەمەنی.
ناوبراو ڕاشیگەیاند: بەرەو قۆناغێکی چوارەمیش کە بە هاوئاهەنگی مەیدانەکانی شەڕ و ئۆپەراسیۆنە هاوبەشەکان لە مەیدانی زیاتردا ئەنجام دەدرێت، هەنگاو دەنێین.