بە ڕاپۆرتی ئاژانسی هەواڵی مێهر، ئەم ڕۆمانە بە ئاوڕدانەوە لە ئەفسانەی شاماران، وەک ئەفسانەیەکی کۆن و دێرینی کوردەکان، لە دووتوێی ٩٠ لاپەڕە و بە دیزاینی ڕووبەرگی بەشیر نەزەری، چیا سەرسپی و محەمەدجەواد عەبدی و لە ٥٠٠ بەرگ، لە داهاتوویەکی نزیکدا دەکەوێتە بەر دیدی خوێنەران.
مورتەزا حاتەمی نووسەری کرماشانی دانیشتووی شاری ئیلام، هاوکاتی چالاکی لە ئەدەبی منداڵ و میرمنداڵان و ئەندامێتی لە شۆڕای کتێبی منداڵ و ئەنجومەنی نووسەرانی منداڵ و میرمنداڵ و بڵاوکردنەوەی نزیکەی ٨٠ کتێب لەو بوارەدا، چەندین ڕۆمانی تری بە تێم و ناوەڕۆکی کوردی بڵاو کردۆتەوە.