بە ڕاپۆرتی ئاژانسی هەواڵی مێهر لە ماڵپەڕی ئەلجەزیرە، ڕێکخراوی لێبوردنی نێودەوڵەتی داوای ئەنجامی لێکۆڵینەوەی نێودەوڵەتی سەبارەت بە جەنایەتی جەنگی ئیسرائیل لە غەززە بەهۆی ماڵوێرانییە بەربڵاوەکانی کرد.
ئەو ڕێکخراوە ئاماژەی دا کە سوپای ئیسرائیل بە شێوەیەکی نایاسایی مەزرا و باڵەخانە سڤیلەکانی لە کەرتی غەززە ڕووخاندووە و هەوڵی لەناوبردنی تەواوی گەڕەکەکانی ئەو ناوچەیەی کردووە.
لێبوردنی نێودەوڵەتی جەختی کرد کە لێکدانەوەی وێنە ئاسمانی و گرتە ڤیدیۆییەکان ڕووخاندنی سیستەماتیکی بەربڵاو لە سەرتاسەری غەززە لەلایەن ئیسرائیلەوە نیشان دەدات.