بە ڕاپۆرتی ئاژانسی هەواڵی مێهر، ناسر کەنعانی وتەبێژی وەزارەتی دەرەوەی ئیران لە ئیکس نووسی: هەشتی خەرمانان ساڵڕۆژی شەهادەستی شەهیدان ڕەجایی و باهونەرە کە بە دەستی مونافقین تیرۆر کران.
ناوبراو زیادی کرد: مونافقین کە لە چوارچێوەی داڕشتنی دوژمنان بەدوای دەستخستنی دەسەڵات لە ئێران بوون، دوای نەگەییشتن بە ئامانجەکەیان، سەرەتا دەستیان دایە تیرۆری خەڵک و بەرپرسانەوە، پاشان بەرپرسەکەیان بەرەو فەڕەنسا هەڵهات و بە پاڵپشتی مادی و مەعنەوی هەندێک وڵاتی ڕۆژاوایی کە پاگەندەی مافی مرۆڤ دەکەن، هەوڵە جەنایەتکارانەکانیان لە دژی کۆماری ئیسلامی و دەوڵەت و گەلی ئێران درێژە دا.
وتەبێژی وەزارەتی دەرەوە وتیشی: ئەوان لە درێژەی ژیانی خۆیاندا خۆیان خستە داوێنی سەددام و لەگەڵ ئەو ڕژێمە لە دژی خەڵکی ئێران و هاووڵاتییەکانیان شەڕی ناجوامێرانەیان کرد.
کەنعانی زیادی کرد: جەنایەتەکانی ئەوان هەر لە ئەو ئاستەدا نەمایەوە و بە هاوکاری ئەمریکا و ئیسرائیل دەستیان دایە تیرۆری لێزانانی ئەتۆمی ئێرانەوە و حەڤدە هەزار شەهید، ئەنجامی ژیانی گرووپی مونافقینە کە ئێستاش هەر لەلایەن ڕۆژاواوە پاڵپشتی سیاسی و دارایی دەکرێن.