بە پێی ڕاپۆرتی ئاژانسی هەواڵی مێهر، جه‌عفه‌ر شێخ مسته‌فا ئه‌مڕۆ شه‌ممه له وه‌ڵامی پرسیارێكی په‌یامنێری خه‌ندان، له‌باره‌ی رووداوه‌كه‌ی دوێنێی قه‌ره‌داغ رایگه‌یاند: "له‌ئێستادا داعش مه‌فره‌زه‌ی بچووكی له‌زۆرێك له ناوچه‌كان هه‌یه و توانیویه‌تی سوود له‌و بۆشاییانه وه‌ربگرێت، به‌تایبه‌تی ناوچه شاخاوییه‌كان، قۆپی قه‌ره‌داغ شاخێكی گه‌وره‌ی سه‌خته و ئه‌وه‌دان نییه، له‌به‌رئه‌وه توانیویانه سود له‌و شاخه وه‌ربگرن و تونێل بۆ خۆیان دروستبكه‌ن، یان شوێنی حه‌وانه‌وه دروستبكه‌ن".
ئاماژه‌ی به‌وه‌شكرد، پێیوایه چه‌كدارانی داعش له‌زۆر شوێنی دیكه‌ش بونیان هه‌یه و پێویسته وردبین و به هاوكاری خه‌ڵك شوێنه‌كانیان بدۆزرێته‌وه و كۆتایی به مه‌ترسییه‌كان بهێنرێت.