بە ڕاپۆرتی ئاژانسی هەواڵی مێهر، حوجەتولئیسلام غوڵامحسێن موحسێنی ئێژەیی لە ڕێوڕەسمی سوێندخواردنی چواردەهەمی خولی سەرۆک کۆماری وتی: یادی ئیمام خومەینی، شەهید قاسم سولەیمان و شەهید ڕەئیسی و هاوڕێکانی بەرز رادەگرین.
ناوبراو زیادی کرد: سوپاس بۆ خودا کە لە دۆخێکدا کە خەڵکی ئێران تازیەباری سەرۆک کۆمارەکەیان بوون و نەیارانیش بەدوای ئاژاوەگێڕییەوە بوون هەڵبژاردنەکانی ئەم خولە لە سەرۆک کۆماریش لە ئەوپەڕی ئاسایش و تەندروستی بەڕێوە چوو و بەڕێز مەسعوود پزشکیان وەکوو سەرۆک کۆماری ئێران هەڵبژێردرا.
سەرۆکی دەسەڵاتی داد درێژەی دا: ئەمڕۆ سەرۆک کۆماری ئێران پەیڕەوی مادەی 121ی دەستووری ئێران سوێند دەخوات کە ئایینی فەرمی و سیستەمی کۆماری ئیسلامی و دەستوور بپارێزێت و هەموو توانی خۆی بۆ بەرپرسیارێتییەکەی بخاتە گەڕ و بۆ خزمەت بە خەڵک، گەشەی وڵات، پەرەپێدانی ئایین و ئەخلاق و دادپەروەری هەوڵ بدات و درێغ نەکات لە پارێزوانی لە سنوورەکان، سەربەخۆیی سیاسی و ئابووری و فەرهەنگی .
ناوبراو لە کۆتاییدا وێڕای پیرۆزبایی لە بەشداربووان و میوانان بۆ تەمەندرێژی ڕێبەر هیوای خواست.