بە پێی ڕاپۆرتی ئاژانسی هەواڵی مێهر، یەکەم دیبەیتی کاندیدەکانی ١٤هەمین هەڵبژاردنی سەرۆکایەتی کۆمار لە ستۆدیۆی دیبەیتەکانی میدیای نیشتمانی بەڕێوەچوو. ئەم دیبەیتە کاتژمێر ٢٠:٠٠ دەستی پێکرد.
کاندیدەکان لەم دیبەیتەدا بەرنامە و پلانەکانیان دەخەنەڕوو و بەخەڵکی ئێرانی ڕادەگەینن.
هەروەها لەگەڵ یەکتریش قسەدەکەن و بەرگری لە پلانەکانیان دەکەن.
هەر شەش کاندیدی ئامادەبوو لەم قۆناغەی هەڵبژاردندا، لە دیبەیتی ئابووریدا، سەرەتا وەڵامی پرسیاری پسپۆڕانیان دایەوە لەسەر بابەتی پلانی گەشەپێدانی حەوتەم، سنووردارکردنی هەڵاوسان و گەشەی بەرهەمهێنان.
لە قۆناغی دووەمدا شارەزایان پرسیاریان سەبارەت بە جەماوەریکردنی ئابووری و بە تایبەتکردنی کرد.
دیبەیتەکانی دیکە لە ٣١ی جۆزەردان و ١ و ٤ی پووشپەڕ لە کاتژمێر ٢٠:٠٠ تا ٢٤:٠٠ پەخش دەکرێن.
پێنجەمین دیبەیت ڕۆژی سێشەممە (٥ی پووشپەڕ) لە کاتژمێر ١٢:٣٠ تا ١٦:٠٠ پەخش دەکرێت.
ئەم ٥ دیبەیتە لە کەناڵەکانی یەکی دەنگ و ڕەنگ و سەلامات و جام جەم پەخش دەکرێن و کەناڵە ڕادیۆییەکانیش لە هەمان کاتدا ئەم دیبەیتانە پەخش دەکەن.
دیبەیتی کاندیدەکانی هەڵبژاردنی سەرۆک کۆماریش لە تۆڕی سەلامەتی سیما بۆ نەبیستەکان پەخش دەکرێت.