بە پێی ڕاپۆرتی ئاژانسی هەواڵی مێهر، هەڵبژاردنی شارەوانییەکانی ناوچەکانی باکوور و ڕۆژهەڵاتی سووریا کە بڕیار بوو لە ١١ی ئەم مانگە بەڕێوە بچێت، لەسەر داوای هاوپەیمانییەکانی بەشدار لەو هەڵبژاردنانە لە نێویاندا مەجلیسی سووریای دیموکرات دواخرا.
کۆمیسیۆنی باڵای هەڵبژاردنەکانی باکوور و ڕۆژهەڵاتی سووریا بڕیاری ژمارە ٥ی خۆی سەبارەت بە بەڕێوەچوونی هەڵبژاردنی شارەوانییەکان دەرکرد.
لەسەر بنەمای ئەم بڕیارە، هەڵبژاردنی شارەوانییەکان کە بڕیار بوو لە ١١ی ئەم مانگە بەڕێوەبچێت، لەسەر داوای پارتە سیاسییەکان و هاوپەیمانییە بەشداربووەکان لە هەڵبژاردنەکاندا، بۆ مانگی داهاتوو دواخرا.
لە بڕیارەکەی کۆمیسیۆنی باڵای هەڵبژاردنەکانی کوردستانی سوریادا هاتووە: "لەسەر داوای پارتە سیاسییەکان و هاوپەیمانییەکانی بەشدار لە هەڵبژاردنەکاندا، بەمەبەستی ئەوەی پڕۆسەی هەڵبژاردنەکان دیموکراسیتر بکرێت، کۆمیسیۆنی باڵای هەڵبژاردنەکانی باکوور و ڕۆژهەڵاتی سووریا بڕیاریداوە هەڵبژاردن دوابخرێن.