بە پێی ڕاپۆرتی ئاژانسی هەواڵی مێهر، لە درێژەی بەرنامەکانی دووەم ڕۆژی سەردانەکەی ڕەئیسی بۆ پاکستان، سەرۆک کۆمار پاشنیوەڕۆی ئەمڕۆ سێشەممە لە کۆبوونەوەی بلیمەتانی زانستی و کولتووری لە زانکۆی" لاهور بەشداری کرد.
ڕەئیسی لە بەشێکی قسەکانی وتی: پشتیوانیکردنی ئەمریکا و ڕۆژئاوا لە کوشتن و بریندارکردنی زیاتر لە ١٠٠ هەزار فەلەستینی لە غەززە، ئەو ڕاستییە دەردەخات کە ئەمڕۆ گەورەترین پێشێلکاری مافەکانی مرۆڤ ئەمریکییەکان و ڕۆژئاواییەکانن و بانگەشەی بەرگریکردنیان لە مافەکانی مرۆڤیش شتێکی بێمانا و درۆ و دەلەسەیە.
سەرۆک کۆماری ئێران بە جەخت لەسەر ئەوەی کە نەتەوەی مەزنی ئێران ئەمجارەیان بە هۆی تاوان و کردەوەی ئیسڕائیل بۆ هێرشکردنە سەر کونسوڵخانەی کۆماری ئیسلامی ئێران کە دژ بە هەموو یاسا و ڕێککەوتننامە نێودەوڵەتییەکان و میساقی نەتەوە یەکگرتووەکان بوو، سزای ڕژێمی زایۆنیستی دا، وتی: ئەگەر ڕژێمی زایۆنی هەڵەیەکی دیکە ئەنجام بدات، ڕەنگە ئیدی هیچی لێنەمێنێتەوە.