بە ڕاپۆرتی ئاژانسی هەواڵی مێهر، بەرەبەیانی ئەمڕۆ لە گەرووی هورمز دەست بەسەر کەشتییەکی ئیسرائیلی کە خاوەنەکەی ئیال ئۆفەر بوو، دەستی گیرا. لە ساڵی ١٩٥٠ لە شاری حەیفا لەدایک بووە و دامەزرێنەر و سەرۆکی کۆمپانیای زۆدیاک شیپینگە کە یەکێکە لە گەورەترین کۆمپانیاکانی کەشتیوانیە لە جیهاندا. هەروەها پشکی بەرچاوی لە کۆمپانیا جیاوازەکاندا هەیە، لەوانە کۆمپانیای OCMS Energy و پشکەکانی میلستۆن.
ئیال بڕوانامەی کارناسیی لە بواری بازرگانی لە زانکۆی تێلاڤیڤ وەرگرتووە و دواتر پەیوەندی بە کۆمپانیای بنەماڵەیی خۆیانەوە کردووە و لە ساڵی ١٩٧٩ دوای مردنی باوکی بووە بە بەڕێوەبەری کارگێڕی کۆمپانیای کەشتیوانیی سکۆر .
دوای فرۆشتنی کۆمپانیای سکۆر لە ساڵی ١٩٩٩ کۆمپانیای زۆدیاکی دامەزراند و بە خێرایی گەشەی کرد، کە دوای ماوەیەک بوو بە یەکێک لە گەورەترین کۆمپانیاکانی کەشتیوانی لە جیهاندا ئەم کۆمپانیایە کۆمەڵێک کەشتی و تانکەر بەڕێوەدەبات، لەوانە تانکەر و کەشتی بارهەڵگر و کەشتی هەڵگری بەکۆمەڵ .
ئیال بە یەکێک لە دەوڵەمەندترین کەسانی ئیسرائیل دادەنرێت و سامانەکەی نزیکەی 10 ملیار دۆلارە و هاوکات لە لیستی دەوڵەمەندترین کەسانی جیهاندایە کە گۆڤاری فۆربس بڵاویدەکاتەوە.
ئۆفەر لە شاری مۆناکۆ دەژی و یەکێکە لە پاڵپشتە بەهێزەکانی ئیسرائیل و تەنانەت هاوکارییەکانی بۆ هەندێک ڕێکخراوی خێرخوازی ئیسرائیل کردووە.